L'Osteria della Purtascia
L'Osteria della Purtascia

L'eva ul 1890 o prèss a pòcch,
quand ul primm treno lè rivà a Cöoch
e cun la custruziun du la feruvìa
gh'è nassüü àanca sta usteria.

A chel temp le se ciamava usterìa du la staziun
ma lè cambiava nòmm a ogni gestiun
in dul lucàal se balava e gh'eva un bèll camin,
alura l'èva la gestiun dui "Furtunin".

Nel 1991 ul sciùr Gregori l'ha cumprà l'usterìa,
l'ha realizzà ul sò sogn e l'ha fai na birerìa
sòtt a re sò direziun la cà le vegn ristruturada,
se torna a l'origin, sass a vista su la faciada.

Inscì da na vègia casascia
gh'è nassüü l'usterìa "La Purtascia"
siit rustic, aredà cun semplicità
ma dùa se trova amicizia, calòor, ospitalità.

Intant ul padrùn cun passiun e pazienza
spila la bira cun fèed e cumpetenza,
la servis cun bruschett o pàn tüstà,
un sucess: ul titul "Accademia della birra" l'ha merità!

Da chì cumincia ànca la ristoraziun,
la sciùra Enrica, la dòna dul padrùn,
in cusìna lè prepara cuntorni e pitanzitt,
oh gent... gh'è de leccas i diit e i barbisitt.

Nel 1999 "La Purtascia" lè vegn ingrandida,
finalment la ristruturaziun lè finida,
in dul lucàal ul vèec camin lè lì incarnò in gloria
testimunianza de tanti ann de storia.

Pulizia, mestèe, legna e curdialità,
inn i bun manèr de sta cà,
una strìzadina d'öcc e un surìis
ul cünt a re cassa lè d'amìis!


Foto storica